電腦懷舊之 : Sharp PC 1350

第一篇blog文就講講我的第一部電腦 Sharp PC 1350. 它其實只是一部programmable calculator, 但它就引領了我走進了電腦的大門, 在中學讀電腦科都主要是因為佢,大家可以先看看它的英姿 :

樣子是不是很high-tech呢. 它發表於1984年, 於1986年我用了$750把他買回家, 已是當時我擁有的最昴貴的束西了. 買它最主要因為它易於收藏, 你知如果買舊野番去要佔屋企地方, 呀媽實同你做忌, 因為剩係個人都已經夠左訂.

它使用一顆sharp CMOS 8bitCPU SC61860, 有4K RAM, 可以用RAM CARD 擴展多8K或16K, ROM就有43K, ROM內置了BASIC Interpreter, LCD display 150×32 dots, 用配件CE -126P就可以連接錄音機存取程式. CE-126P上還有一個小小的熱能打印機(類似收銀機), 大家如有興趣看看它的兄弟, 可以到Pocket Computer Museam

我就是用它學會了BASIC語言及初次接觸到組合語言及機械語言,真是令我大開眼界.

由於希望多些了解這部昂貴的家當,我開始尋找有關它的書刊. 當時我主要閱讀”香港電子”,因它有一個Pocket Computer園地.

上圖是當時出版的一本專門關於Pocket Computer的書籍.

我想這就是年少獨有的passion,覺得很新鮮,很先進,很好玩,很勁,連瞓覺都掛住, 你如果沒有試過這種感覺就太可惜.

我是當時”香港電子”的忠實讀者,忠實到寫信指出指出稿件的錯誤,得到了兩期免費的雜誌:-)

我還寫信到讀者園地徵求志同道合的朋友(當時還未有newsgroup, BBS之類, 不過有又怎樣,我連modem都未見過), 我還在那裏向別人購入了一部二手的CE-126P及一部size似聖經的錄音機. 不過徵友這招很有效, 我結識了一個和我年紀相若的男孩(好像叫做呀寶). 他知的東西比我多, 他並不局限看香港雜誌. 他還看日本雜誌如BASIC特集及I/O特集(嘩,他比我有錢很多).他帶我到在尖沙咀金巴利道的一間)頗大的日本書店叫智源,在那裏可以找到很多日本電腦書籍. 看了他所說的日本雜誌才知道我們結識的主要原因. 那些雜誌主要登出一些日本人寫的PC 1350程式, 主要是機械語言, 如下圖 :

如要享用這些程式,必先將上述的機械語言用手輸入,長度大概有三,四頁.嘩,入完眼花死啦!!簡直不人道!!所以最好是分工合作,一人入D,然後再合番埋,又或者你入一個,我入一個.我和他的友誼就是建基於這些十六進制的數字了.

我那時和呀寶經常在高登黃金條街轉角間茶餐廳(現在好似變咗遊戲機鋪)到展示我地部1350嘅新program, 又或到智源看書, 都幾friend架.

後來我們又結識了一位比我們年長, 就讀於Poly的阿雄(他的PC-1350有一張16K的RAM CARD, 很厲害的). 他教我們做一些電子製作. 我在他的指點下, 做了一個用 9V 電轉做 3V 的電源仔(用一粒減壓IC及數粒電容), 用以供電給我的1350, 可以慳點買大餅電的錢. 這是我第一次逛鴨療街呢.

到了後來由於PC-1350的後繼機PC-1600K的售價頗為高昂及好像並沒有在港發售, Pocket Computer就漸漸的少人玩了(本來也不多了),

最後我用中五做暑期工嘅錢買咗部水果IIe($2XXX another story嘞), 就少玩咗1350, 連呀寶都少見咗, 跟住就冇再聯絡. 後來我好似賣埋部1350, 都賣到四百幾, 現在想起如果拿來留為紀念都幾好, 不過你知細嗰時個個都手緊架啦, D野要循環再用, 我部水果IIe到最後都係賣咗俾人, 好似賣咗五百幾, 嗰個人好似係讀理工, 用部IIe嚟寫6502 assembler.

呢個唔知係咪我嘅性格, 通常最初識嘅朋友都會好friend, 跟住環境變咗就會少見, 最後就唔會再聯絡, 雖然感覺上有少少可惜, 不過都冇辦法啦 (其實係冇所謂先啱).