第一次參加博覽行攝影團, 終於體會到呢種團博命行博命影嘅精神,每天由天光影到天黑,唔會晏過六點起身,影唔到日出都要影晨曦,有團友抬住十幾磅攝影器材上山,係黃山落大雨,大霧,溫度得幾度嘅情形都照上山影日出(我當然選擇瞓覺), 都令我有新鮮嘅體驗.
D資深團友(即係啊伯)同我講, 而家行黃山已經好舒服,有纜車, 佢三十幾年前係由山腳行到上山頂, 行成十幾個鐘先食飯喎.
不過而家係現代,我地當然搭纜車上山啦.
不過由纜車站行上玉屏樓都要成大半個鐘,如果你抬住十幾磅野都幾甘. 一定唔會好似搭完昂坪360咁舒服啦, 因為而家先係開始. 你如果由纜車站上玉屏樓都唔掂, 可以搵人抬你, 不過我從來冇唔過有人俾人抬住上山. 上到玉屏樓,多人到嚇死你, 旺過旺角, 一D都唔幽靜, 仲有人食煙, 完全吸唔到黃山靈氣 好Q辛苦先搵到個位影到張見唔到人頭嘅”迎客松” 在山邊的圍欄掛了不同的鎖, 可能是祈福,都唔知邊個想出來 祈愛情鎖都有呀, 祈完之後應該一野搭落個對象到嘛 玉屏樓遠眺黃山景色 玉屏樓遠眺黃山景色(天氣尚可, 不過明日我地就大鑊啦) 食完飯兩點幾就開始行天都峰 遠眺天都峰嘅天梯, 遊人落山要非常小心 . (從天都峰腳到峰頂的爬山陡徑，既高又險，有的地段，幾乎成垂直角度，人稱「天梯」。全程l.5公里，石級1664級，高差310米。若自「一線天」處眺望，嵌在懸岩峭壁上的登峰石級，彷彿一幅雲梯自高空垂直而立，令人悚然生畏。因石級太陡，沿途裝有石柱鐵索維護。遊人拾級而上，雖步履艱難，如同登天，但只要步步小心，就會安全到達峰頂) 前面個人已經係爬住咁上天梯 呢位團友係揹住部大機, 大鏡(唔只一支), 同一支大腳架上天都峰嘅. 從天梯遠眺玉屏樓, 終於賣甩哂D人喇 奇松 鯽魚背. 從天都峰腳，手扶鐵索欄杆，沿「天梯」攀登1564級台階，即至海拔1770米處的石矼，這裡是登頂黃山第一險峰天都的必經之處。此石矼雖只有10餘米長，但寬僅1米不到，兩側是千仞懸崖，深邃莫測，其形頗似出沒於波濤之中的鯽魚之背，故名。自上而下，坡陡達85度左右，若遇風吹雲湧，彷彿山搖石動，攀登尤為驚險 有時條樓梯會係巨石下經過 捱咗千幾級樓梯, 終於上到頂, 呢張相真係影得艱難 行番落天都峰都已經日落, 就同D團友一齊影黃山日落 天都峰下觀日落 玉屏樓處看晚霞 蓮花峰下觀晨曦 蓮花峰下觀日出 因我係落天都峰整親個膝頭, 就同phyllis兵分兩路, 佢就行去北海, […]
